На крајот на оваа седмица, Радио МОФ ви го претставува нашиот избор на топ вестите за изминатата недела, од областа на образованието, културата, граѓанското општество, политиката, животната средина…
Што ги одбележа изминатите седум дена, прочитајте во продолжение:
-
Каде, како и со кого младите ќе летуваат годинава?
На плажа под жолтеникавиот отсјај од сонцето чиј одраз најдобро е отсликан во езерска или морска вода, кампинг шатор на летен фестивал или посета на градови со друштво се дел од опциите што најголем број од младите годинава ги избираат за поминување на својот летен одмор. Најголем број од младите избираат да одат на одмор со друштво, надвор од државата каде со одмор планиран на плажа може да поминат со буџет до 500 евра.
2. „Сигурен простор“ – регионална платформа за бесплатна психолошка поддршка на луѓе во социјален ризик
„Новата нормалност“ на карантините, изолациите, социјалната и економската неизвесност имаше силно негативно влијание врз менталното здравје. Токму оваа „нова нормалност“ за психологот Милица Крстиќ беше поттик пред четири месеци да ја покрене регионалната платформа „Сигурен простор“ (Siguran Prostor), која сега е достапна и на македонски јазик.
„Сигурен простор“ – регионална платформа за бесплатна психолошка поддршка на луѓе во социјален ризик
3. #РаскажиМи: „Скиселени тикви“ – три кратки раскази од Саша Станишиќ
Овојпат во #РаскажиМи ги читаме расказите на Саша Станишиќ, кои се дел од збирката „Скиселени тикви“. Секој од расказите припаѓа на различни циклуси од збирката, односно од „Субурбани митови и легенди“, „Кратки хорор приказни“ и „2001“.
#РаскажиМи: „Скиселени тикви“ – три кратки раскази од Саша Станишиќ
4. Редок вид Галаксија уловена на нова слика на Телескопот „Џејмс Веб“
Американската вселенска агенција НАСА објави ретка и неверојатна слика од Галаксијата Тркало оддалечена 500 милиони светлосни години, чии прстени се појавуваат многу јасно на инженерското ремек-дело, телескопот „Џејмс Веб“. Како и за нашиот Млечен Пат, астрономите сметаат дека Галаксијата Тркало (Cartwheel galaxy) во минатото била спирална галаксија, но се претворила во прстенеска откако некој спектакуларен настан им дал ваква форма при судар со помала галаксија.
Редок вид Галаксија уловена на нова слика на Телескопот „Џејмс Веб“
5. „Преку езерото“ – нов меѓународен филмски фестивал во Дојран
„Преку езерото“ е новиот меѓународен филмски фестивал што ќе се одржува на брегот на Дојранското Езеро. Првото издание на најавениот фестивал на медитерански и европски филм се одржува годинава од 5 до 7 август. Фестивалот е замислен со концепт од три официјални селекции во кои се прикажуваат повеќе од десет кратки и долгометражни филмови од автори кои живеат или потекнуваат од медитеранските земји.
„Преку езерото“ – нов меѓународен филмски фестивал во Дојран