Со „пиштоли“ со боја демонстрантите повторно ја обоија Триумфалната порта во Скопје.
Денеска обоени беа и камерите кои ги снимаат сите кои демонстрираат, но и поминуваат покрај портата.
Демонстрантите од Шарената револуција и денеска тргнаа од СЈО, по што продолжија кон Собранието. Овде на разглас се пуштаат опозициските бомби. Фокусот на денешниот протест е ставен на пораките против фашизмот по повод 9 мај.
Демонстрациите траат веќе петта недела, а речиси без прекин, секој ден во 18 часот се излегува на улица со барање за укинување на аболицијата и остакка на претседателот Иванов, но и за одложување на изборите од 5 јуни.