Собранието вчера со 63 гласа „за“ ги избра Илир Демири за министер за здравство и Наим Бајрами за министер за информатичко општество и администрација.
Демири и Бајрами доаѓаат на местото на Фатмир Меџити и Азир Алиу кои во петокот беа разрешени на предлог на техничкиот премиер Талат Џафери, откако го поддржаа претседателот на Алијансата за Албанците Арбен Таравари, кој најави дека на претстојните избори ќе се приклучи кон албанската опозиција.
Веднаш по изборот, Демири и Бајрами дадоа свечени изјави.
