Ледената прекривка на Антарктикот што постојано се топи може да се повлече многу побрзо отколку што досега се сметаше, покажува ново научно истражување.
Податоците доаѓаат од ознаките на морското дно во Норвешка кои го бележат повлекувањето на европската ледена покривка која се топи илјадници години наназад.
Денес, може да се забележи дека глечерите на Антарктикот се повлекуваат и до 30 метри на дневно ниво. Ако ова се забрза, вишокот истопен мраз може да имплицира зголемување на нивото на морето во светот.
Загубите на мраз од јужниот пол предизвикани од климатските промени веќе ја потиснаа површината на светските океани за 1 сантиметар од 1990 година.
Истражувањето покажало и дека максималното повлекување на мразот на Норвешкиот лист било повеќе од 600 метри дневно.
„Ова е нешто што ќе продолжиме да го гледаме доколку продолжиме со високите проценки за растот на температурата. Загрижувачки е што кога ги направивме пресметките за тоа што го предизвикува повлекувањето на глечерите на Антарктикот, откривме дека во светот има места со слични повлекувања дури и под базалните стапки на топење кои се случуваат во моментов“, изјавила Кристин Бачелор од Универзитетот Њукасал во Обединетото Кралство.
