Јавното сообраќајно претпријатие (ЈСП) – Скопје објави дека директорот Крсте Петревски го потпишал договорот со приватните превозници, а веќе од утре 105 автобуси ќе сообраќаат на скопските улици.
Според ЈСП, приватните превозници ќе ги опслужуваат линиите: 23, 45, 61, 63, 73, 9, 11, 11A, 12, 47A, 55, 19, 20, 22, 52, 54, со 105 модерни автобуси кои ги исполнуваат еколошките стандарди согласно јавниот повик.
„Со новиот начин на работа и стандардизацијата во јавниот превоз, граѓаните ќе добиваат квалитетна и навремена услуга, а буџетите на Град Скопје и ЈСП Скопје ќе бидат заштитени од злоупотребите и самоволието кое во минатото било пракса“, стои соопштението на ЈСП.
Приватните превозници не возеа со месеци, откако почнаа штрајк заради несиплатен долг, а потоа им беше раскинат договорот. Потоа имаше и неколку неуспешни повици за нивно враќање во јавниот превоз.
