По пример на иницијатива во Хрватска, граѓанската иницијатива „Денови на колективно садење дрва во Македонија“ ги повикува граѓаните да се придружат на регионалната иницијатива за колективно садење дрвја на 26 и 27 октомври.
Од граѓанската иницијатива потенцираат дека желба им е да се поттикнат што повеќе луѓе да направат мал чекор, како би било поубаво за сите.
„Секој сам купува садници доброволно и ги сади на 26 и 27 октомври. Во наредниот период, доколку акцијата се прифати и од институциите, можеби ќе има можност да се сади и на јавните површини во градовите“ велат од иницијативата.
Оттаму напоменуваат дека акцијата има услови да се изведе само на приватни поседи, објаснувајќи дека за садење на јавни површини и паркови се потребни посебни дозволи.
Упатставата за спроведување на акцијата можат да се пронајдат на овој ЛИНК, а од иницијативата ги повикуваат заинтересираните граѓани да се приклучат и на Фејсбук групата.