„Вистинската пасија ја пронајдов во дизајнот“ – #ИнстаИлустрација со Драган Стојановски

Драган Стојановски, Гаго е графички дизајнер кој во моментов е дел од „Идеја плус“ и е вонреден студент на Факултетот за бизнис логистика при Универзитетот „Гоце Делчев“.

Тој е препознатлив по изработката на постери, чија инспирација, вели Стојановски, ја наоѓа во добрата фотографија.

„Секоја добра фотографија носи со себе некаква приказна и убавина, момент во времето што останува врежан на парче хартија. И добрата работа е што како форма е отворена за секаква интерпретација. Оттука, во комбинација со добра и соодветна типографија, го доловувам своето толкување на една фотографија, во постер формат“, вели Стојановски за Радио МОФ.

Креативност го следи од мали нозе, кога започнува со цртање.

„Со текот на годините го забаталив тоа бидејќи својата вистинска пасија ја пронајдов во дизајнот, како алтернативна форма на креативен израз и којашто, барем за мене, се оддалечува од нормите на класичната уметност. Со самото тоа овозможува поголема креативна слобода, а притоа и отворена врата да се оствари некакво поголемо влијание“, вели тој.

Стојановски е уште еден дизајнер кој се приклучува на нашата иницијатива #ИнстаИлустрации. Во продолжение, погледнете дел од неговите постери:

View this post on Instagram

A post shared by Dragan Stojanovski Gago (@gaxyz54)

МОЖЕ ЌЕ ВЕ ИНТЕРЕСИРА