„Click it, save it, seed it, share it, link it, stream it, we don’t pay
Click it, save it, seed it, share it, link it, stream it, Pirate Bay“
Ова се дел од зборовите на новиот хит на Дубиоза Колектив , насловен Free.mp3 (The Pirate Bay Song). Песната е посветена на основачите на The Pirate Bay, кои беа уапсени поради своите „дигитални злосторства“. Во неа се проблематизираат авторските права во дигиталното време, приватноста на интернет и слободата на информирање.
„Им се восхитуваме на ентузијастите како Wikileaks, The Pirate Bay, на луѓето како Edward Snowden,, кои се борат против владите и големите корпорации, но не за сопствен профит туку бидејќи веруваат во некоја идеја, дури и по цена на личната слобода. Секогаш е инспиративно да гледате луѓе кои наоѓаат начин да го надмудрат системот“, велат од Дубиоза Колектив.
Овој сингл е најава за излегувањето на новиот студиски албум Happy Machine, кој ќе биде објавен на 5 февруари, 2016 година. Тој ќе може бесплатно да се преземе од интернет сајтот на групата и преку Pirate Bay.
Погледнете го новиот видео спот на Дубиоза, објавен денеска на YouTube.