Петар Младеновски од „Суперхикс“ од денеска ја стартуваше иницијативата „Културна Македонија“, која засега тргна преку Фејсбук група.
Според објавеното соопштение, се работи за независна иницијатива за реакција на состојбите со културата во Република Македонија, на која можат да и се придружат културните дејци од разни сфери (музика, филм, театар, литература, ликовна уметност, фотографија) како и нивна публика.
Целта е преку масовно приклучување на помасовно да се делува и врши притисок за одредени состојби или негативни одлуки во културата.
„Реакцијата би била во форма на организирање протест, бојкот, петиции, акции ‘на ‘терен’, медиумски соопштенија и слично. Ова е само неформален старт на оваа иницијатива. Се надеваме и на скорешно прво ‘собрание’ со свои заклучоци и насоки за делување! Секое добро и да живее КУЛТУРНА МАКЕДОНИЈА! – Për Maqedoni të kulturuar! – Cultura di la Macedonia! – KÜLTÜREL MAKEDONYA! – Kulturna Makedonija! -Kulturno Makedonia!“, стои со соопштението на иницијативата.