На 27 октомври, со почеток во 19 часот и 30 минути, во МКЦ Клуб ресторан ќе се одржи промоција на книгата „Допир од далечина: Иан Кертис и Joy Division“ на Дебора Кертис, во издание на издавачката куќа „Полица“.
Книгата е интимен и длабок биографски портрет на прерано починатиот пејач на бендот „Joy Division“, Иан Кертис, напишана од неговата вдовица, Дебора Кертис.
Промотор на настанот ќе биде драмскиот режисер Срѓан Јаниќиевиќ.
Во рамките на промоцијата ќе се прикаже и филмот на BBC Factory Records: Манчестер од Joy Division до Happy Mondays, а веднаш потоа, свој настап ќе има и македонскиот бенд Tonal (Joy Division Tribute).