Позната по својата фризура и отворена природа, О’Конор ја започна својата кариера пеејќи на даблинските улици и набрзо се стекна со интернационална слава, станувајќи музичка сензација со својата балада „Ништо не се споредува со тебе“, напишана од Принц.
Пејачката почина на 56 години, а веста за нејзината смрт ја објави нејзиното семејство, јавува „Euronews“.
„Со голема тага известуваме за заминувањето на нашата сакана Шинед. Нејзината фамилија и пријатели се скршени и бараат приватност во овој период“, гласеше соопштението од фамилијата кое беше објавено вчера, на 26 јуни преку медиумите „БиБиСи“ и „ЕрТеЕ“.
Сѐ уште не е објавена причината за смртта.
О’Конор објави дека се повлекува од музиката во 2003 година и повторно во 2021, но сепак продолжи да снима нов материјал. Нејзиниот последен албум „Не шефувам, јас сум Шеф“ беше објавен во 2014 година, додека таа исто така објави синглови како „Неволјата на светот“ – вклучително и акапела верзија – во 2020 година.
Неодамна, О’Конор ја отпеа песната за 7-та сезона од ТВ серијата „Outlander“, објавена овој февруари.
