Истражувањата на Вилиам Кејлин Џуниор, Питер Ретклиф и Грег Семенца, за тоа како клетките го забележуваат и се прилагодуваат на кислородот, се наградени со Нобелова награда за медицина.
Тројцата научници успеале да ја идентификуваат молекуларната машинерија која ја регулира активноста на гените како одговор на разликите во нивоата на кислород.
BREAKING NEWS:
The 2019 #NobelPrize in Physiology or Medicine has been awarded jointly to William G. Kaelin Jr, Sir Peter J. Ratcliffe and Gregg L. Semenza “for their discoveries of how cells sense and adapt to oxygen availability.” pic.twitter.com/6m2LJclOoL— The Nobel Prize (@NobelPrize) October 7, 2019
Од Нобеловиот комитет соопштија дека иако долго време се знаело дека кислородот е клучен за одржување на животот, сепак, до откритието на добитниците на овогодишната награда, било мистерија како клетките се прилагодуваат кога нивоата на кислород се покачуваат или опаѓаат.
Според Комитетот, механизмот преку кој клетките се прилагодуваат е најважната причина зошто животните успеале да колонизираат толку многу различни животни средини, бидејќи успевале да се справат со живеење на различни височини.
Влијанието на нивното откритие е многу значајно во многу сфери на физиологијата – од бременост и висинските болести, до нови стратегии за борба против анемијата, канцерот и многу други болести.