Тетовскиот рок/поп бенд „Скајрајз“ објави видео за новата песна „Сила“. Песната доаѓа четири години по објавувањето на нивниот прв студиски албум „To Unknown“ (Кон непознато).
Бендот е активен од 2012 година. На публиката првпат ѝ се претставуваат во март, 2013 година со песните „Let Yourself Go” и „Playing God”, зад кои како продуцент се потпишува Гоце Симоноски, гитаристот на „High Control“.
Во септември, 2014 го издаваат својот трет сингл, „We Never Say Goodbye”, со што го најавуваат својот деби албум, „To Unknown”, издаден од страна на Password Production во ноември, 2014. Имаат настапувано на повеќе фестивали (Aqua Park Fest, Revolution Fest, Joyfest), но и како поддршка на канадскиот бенд Hidden Cameras во Скопје.