Велика Британија е подготвена да ја забрани продажбата на пластика за еднократна употреба од наредната година. Премиерката Тереза Мај ја објави новата забрана за време на состанокот со земјите од Комонвелтот, истакнувајќи дека пластичниот отпад е еден од најголемите предизвици со кои се соочува земјата.
Забраната е чекор кон целите на земјата за елиминирање на пластичниот отпад што може да се избегне, како дел од планот за животна средина од 25 години. Оваа забрана ќе помогне да се исчистат реките, плажите и океаните на Англија од штетна пластика, која често ја проголтува морските животни, а преку нив пристигнува и до вашата вечера.
Новата предложена забрана доаѓа по мерките за наплаќање на пластичните кеиа и забраната за микрогранули, поради што се забележа драстично намалувања на пластика во водите на Англија. По данокот на Обединетото Кралство за пластични кеси за еднократна употреба, слични на оние што се користат во продавниците за намирници, употребата на овие кеси се намалила за 90 отсто, што е еднакво на 9 милијарди помалку пластични кеси кои се користат.
Претходните напори на Велика Британија за намалување на употребата на пластиката резултираа со значителни и мерливи намалувања на пластичниот отпад низ целата земја, што може да се користи како студија на случај за други земји што размислуваат за слични забрани или даноци.
Со ново предложените забрани, владата има намера да соработува со индустријата за развој и прилагодување кон новите иницијативи. Иако ова може да изгледа како голем удар за индустријата за брза храна, Мекдоналдс веќе почна да ја напушта употребата на пластичните сламки во нивните продавници во Велика Британија.
Владата на Велика Британија проценува дека „има околу 150 милиони тони пластика во светските океани и секоја година еден милион птици и над 100.000 морски цицачи умираат од јадење и заплеткување во пластичен отпад”.
Проценките се дека пластиката во океаните ќе се зголеми трипати во десетгодишниот период од 2015 до 2025 година. Ова ја поттикна Англија да ја преиспита употребата на пластика на секој начин. Владата неодамна воведе кауција за пластични шишиња, што значи дека клиентите плаќаат депозит кога купуваат пластично шише и треба да го вратат и рециклираат.
Новата предложена забрана за пластични цевки има за цел да ги спречи проценетите 8,5 милијарди пластични сламки кои се фрлени секоја година само во Велика Британија.