Актуелната министерка за образование и наука, Рената Дескоска ќе седне на министерското столче во Министерството за правда, а на нејзиното место ќе дојде сегашниот заменик министер Арбер Адеми. Смена ќе има и во Министерството за култура, министерот Роберт Алаѓозовски, ќе го замени Афас Адеми . Предлозите за новите членови во Владата синоќа се пратени во Собранието на РМ.
„Владата доцна синоќа по 69. седница го прати во Собранието на РМ предлогот за нови владини членови откако успешно завршија разговорите за зголемување на владината коалиција“, изјави портпаролот на Владата, Миле Бошњаковски.
Бардул Даути е кандидат за министер без ресор, а предлози за новите заменици-министри се: Андреј Жерновски – кандидат за заменик-министер во Министерството за надворешни работи, Асим Муса – во Министерството за здравство, Ѓонул Бајрактар – за Министерството за труд и социјална политика и Садик Бекири – предлог за заменик-министер во Министерството за транспорт и врски.
Во Собранието се пратени и оставките кои треба да бидат констатирани, за Билен Салији, министер за правда, Рената Дескоска, министер за образование и наука и Роберт Алаѓозовски, министер за култура.