На 27ми мај, со почеток во 12.00 на пладне на ледината „Шамак“ (над Козле, подножје на Водно), ќе се одржи првиот фестивал „Синестетика“.
Во склоп на програмата ќе учествуваат повеќе авторски бендови, ликовни уметници, филмаџии и ракотворци. Фестивалот е организиран од група млади ентузијасти, без никакви средства и на волонтерска основа и е замислен како платформа на која младите автори ќе имаат можност да ги прикажат своите дела.
Музичката програма ја сочинуваат бендовите V616, Илузија, Conspiracy, Zulu 3.4, Amber Virga, Filch, Cóntact 59, Minstrel’s Gallery, по што ќе следува прикажување на кратки филмови од младите режисери Анастасија Точевска, Борјан Стојков, Бруно Велјановски, Лидија Мојсо, Мирослав Илиќ, Тамара Котевска, Тања Симоновска, Трифун Ситниковски, Филип Лафазановски и Никола Поповски.
Од отварањето на фестивалот, па до самиот крај, организаторите најавуваат дека на околните дрвја ќе бидат изложени ликовни и литературни дела од повеќе локални автори, а доколку некој сака ќе може да се вклучи со свое дело на денот на настанот.
Pop-up shop ќе биде организиран од Теодора Ваклински на кој ќе учествуваат повеќе ракотворци: Pocket Gallery, Elena Stavreska’s artwork – Dimension ELF, Black Bird Handmade, Микери, Cone, The pun times, ПлетЕлица, Just Because. Art & Design Studio, Марио Манески, Елена Доленц, Ангела Цуцкова, Pontes65, Rabendā.
Ледината се наоѓа над населбата Козле, погоре од улицата Ловќенска, бр. 4. Патеката ќе биде обележана со знаци на кривините.