Поранешниот тапанар на групата „Beatles“ Ringo Starr го најави својот нов албум после три години.
„Го завршив моето снимање и следната година ќе се објави од Universal Records“, соопшти Starr пред да најави дека можеби ќе прави турнеја со својот бенд „All-Starr Band“ во февруари и март.
Овој албум ќе биде 18-ти студиски албум на 74-годишниот музичар кој воедно е и првиот после „Ringo 2012″. Насловот на албумот се уште не е откриен.