Балерини во бели туту здолништа танцуваа на „Лебедово езеро“ пред Операта во Париз во знак на протест против планот на францускиот претседател Емануел Макрон да ги укине нивните посебни пензиски бенефиции.
Тие танцуваа пред стотици граѓани придружени од нивните колеги музичари од Парискиот симфониски оркестар, а зад нив беа поставени банери со пораката „Култура во опасност“.
Le ballet et l’orchestre de l’@operadeparis interprètent un extrait du « Lac des cygnes » sur le parvis de l’opéra Garnier #greve #reformedesretraites #greve24decembre @France3Paris @lacgtcommunique @UnionSolidaires pic.twitter.com/0vaF8QGtBM
— (@emmtix_) December 24, 2019
Танчарите имаат пензиски план уште од 17 век кој го вклучува правото на целосна пензија на 42 години, две децении порано од просечниот работник. Но, тие може да ја изгубат оваа привилегија ако помине реформата на Макрон.
Според балерините, ова е неизводливо бидејќи тие добиваат бројни повреди во текот на нивното работење.
Танчaрите започнаа штрајк заедно со други работници во јавниот сектор, вклучително и изведувачи од Францускиот театар (Комеди Франсез), од 5 декември. Десетици претстави се откажани, а училишта беа принудени да се затворат.
Француската влада не се откажува од предлогото, но ќе ги продолжат преговорите со синдикатите на почетокот на јануари.
Париската опера соопшти дека изгубила скоро 8 милиони евра во продажба на билети.