Утре во Кинотека на Република Македонија ќе биде отворена изложбата со цртежи со наслов „Бегство за подобро утре“, дело на сирискиот пар Шерго Муса и Назли Абду, а создадено за време на нивниот престој со децата во Прифатниот и транзитен центар Винојуг.
Изложбата ќе биде отворена во 12 часот и ќе може да се посети до 25 јануари. Таа е организирана од Претставништвото на УНХЦР Скопје и Центарот за управување со кризи, а куратор е академската сликарка Маја Стефановска.
Претставникот на УНХЦР Скопје, Мохамад Ариф и Директорот на Центарот за управување со кризи, Агрон Буџаку, ќе ја отворат изложбата во присуство на двајцата уметници од Сирија.