Врз основа на сите досегашните анализи, ЦИВИЛ упати барања до Државната изборна комисија (ДИК) и сите релавантни институции за повторно, целосно пребројување на гласовите од парламентарните избори на 11 декември.
ЦИВИЛ побара и ревизија на неважечките гласачки ливчиња, бидејќи, велат од таму, при пребројувањето од набљудувачите е утврдено дека се направени повеќе прекршоци, односно дел од ливчињата се важечки и е јасно изразена волјата на граѓаните.
„Бараме прегласување во гласачките места каде е забележано кршење на гласачкото право и изборните процедури. Досега утврдивме 30 места каде прекршен Изборниот законик и имало голем нерегуларности, па сметаме дека е најдобро таму да има прегласување, бидејќи може да направат и разлика во конечниот резултат. Исто така, ДИК да овозможи увид во пребројувањето на гласовите и ревизијата на неважечките ливчиња за домашните и странски набљудувачки мисии. ЦИВИЛ би сакал да има увид во овој процес. ДИК да биде потранспарентна во овој постизборен период“, рече Џабир Дерала од ЦИВИЛ.
За оние членови на избирачки одбори каде ќе се утврди дека неетички и непрофесионално си ја извршиле работата, или имале конфликт на интереси, ЦИВИЛ побара да го изгубат правото повторно да бидат во одборот на наредниот изборен процес.
Делумен список на избирачките места за кои ЦИВИЛ вели дека е потребно прегласување
Избирачко место | Опис | Причина, нерегуларност |
2447, 2441/1 | С. Ласкарци, ОУ Ибе Паликуќа, о. Сарај |
Полнење кутии, семејно гласање, групно гласање |
2752, 2753, 2754 | ОУ Љубен Лапе, о. Аеродром | |
2815, 2818 | Дом на АРМ | Формиран штаб и прес центар на владејачката партија на самиот ден на гласањето |
2665 | ОУ Златан Сремац, о. К. Вода |
Гласање на фантоми и починати лица |
2816 | ОУ Димитар Миладинов, о. Центар | |
2173 | ЈУГД Димче Мирчев, о. Велес | |
2526 | ОУ НаумНаумовскиБорче, о. ГазиБаба | |
1964 | О.У АС Кикиш, о. Тетово | |
2730 | ОУ ДимитарМакедонски, нас. Лисиче, о. Аеродром | |
2556 | СУ Кочо Рацин, о. Ѓ. Петров | |
997 | ОУ ТолиЗордомис, о. Куманово
|
Фотографирање на гласачкото ливче (притисоци врз гласачи, тајност на гласањето, поткуп) |
0281 | Кино сала, о. Валандово | |
2933 | ОУ Панајот Гиновски, о. Бутел | |
437 | ОУ во с. Добри Дол, о. Врапчиште | |
0945/1 | ЦОУ ЈоакимКрчовски, о. К. Паланка | |
2143 | ОУ Васил Главинов, о. Велес | |
362 | Библиотека, с. Миравци, о. Гевгелија | |
0037 | ОУ Даме Груев, нас. Триаголник, о. Битола | |
2363 | МЗ Зелениково, о. Зелениково | |
1192 | Пензионерски дом, о. Крушево | |
281 | Дом на култура, о. Прилеп | |
1352 | ОУ Гоце Делчев, о. Прилеп | |
2806 | Центар за рехабилитација, о. Центар | |
2873 | ОУ Васил Главинов, о. Чаир |
Категоризација на изборните нерегуларности на ЦИВИЛ
Категорија на нерегуларности | Број на случаи |
Закани, злоупотреби, притисоци и уцени | 20 |
Насилство | 4 |
Незаконско однесување на членови на Избирачкиот одбор | 121 |
Опструкции на работата на набљудувачите | 29 |
Кршење на изборниот молк и попречување на гласањето | 41 |
Полиција – пречекорувања и злоупотреби | 14 |
Поткуп на гласачи | 8 |
Проблеми со Избирачкиот список | 104 |
Промена на избирачкото место | 8 |
Семејно и групно гласање | 45 |
Други нерегуларности | 143 |
Вкупно обработени случаи до 13/12/2016, 13 ч. | 537 |