Прогресивниот арт рок бенд Minstrel’s Gallery вечерва ќе го промовира својот прв албум насловен „Ignorance Leads to Ruin”, во просториите на Младинскиот културен центар. Промоцијата ќе започне во 19 часот, а покрај концертот, во фоајето ќе бидат изложени сите нивни текстови, слики, цртежи и графички прилози кои се инспирирани од музиката, или музиката од нив.
Minstrel’s Gallery е составен од Виктор Танасковски на гитара, мандола, вокал, Слободан Танасковски на флејта, tin whistle, клавијатура и вокал, Даме Јовановски, кој свири на бас и е еден од вокалите и Кристијан Тодоров на тапани и перкусии.
Влезот за концертната промоција е бесплатен, а албумот ќе се продава по цена од 150 денари. Изложбата ќе биде отворена од 19 часот, а концертот ќе почне еден час подоцна, во 20 часот.