Марио Мицковски и Стефан Трпковски освоија златни медали на трките во пливање, 50 метри во слободен стил, на Летните олимписки игри на Специјалната олимпијада што од 14 до 21 март се одржуваат во Абу Даби.
Ова се првите медали на нашите учесници, соопштија од Специјална олимпијада Македонија, преку социјалните мрежи. Нивни тренер е Горан Андоновски, а Мицковски и Трпковски се дел од дваесет и шест спортисти од нашата земја кои учествуваат на овој настан.
Двете златни момчиња, Марио Мицковски и Стефан Трпковски, со освоените златни медали на 50 метри слободен стил на…
Posted by Special Olympics Macedonia on Saturday, 16 March 2019
Спортистите од земјава се натпреваруваат во три дисциплини, пливање на 50 и 100 метри и штафета, атлетика и јунифајд кошарка и ревијално танцување.
Летните олимписки игри на Специјална олимпијада Абу Даби 2019 се најголемиот спортски настан со хуманитарен карактер на планетата. Учествуваат над 7000 атлети од 190 земји од светот кои ќе се натпреваруваат во 24 спортови. Игрите се одржуваат со поддршка од 20.000 волонтери. Ова се први олимписки игри во регионот на Блискиот Исток.
