Првата новинарска награда „Каруана Галиција“ за истражувањето на шпионскиот софтвер „Пегаз“

Првата награда за новинарство „Дафне Каруана Галиција“ ја доби групата новинари зад „Проектот Пегаз“, истражувањето за шпионскиот софтвер од израелската групација НСО, преку кој се прислушкувале новинари, активисти и политички дисиденти.

Во истражувачкиот проект учествуваа новинари од 16 различни медиуми кои податоците ги добиле од „Амнести Интернешнал“ и парсиската невладина медиумска организација „Забранети приказни“. Тие утврдија широка злоупотреба на хакерскиот софтвер „Пегаз“ од страна на авторитарни власти низ светот.

Наградата ја доделува Европскиот Парламент и го носи името на Дафне Каруана Галиција, истражувачката новинарка која беше убиена во напад со автомобил-бомба на 16-ти октомври 2017 година.

Признанието се доделува за „врвно новинарство кое промовира и ги брани вредностите и принципите на ЕУ – човековото достоинство, слободата, демократијата, еднаквоста, владеењето на правото и човековите права“.

За наградата одлучува жири комисија составена од претставници на медиумски или граѓански организации од сите 27 земји членки на ЕУ.