Посетителите на овогодинешното издание на Coachella фестивалот на музика и уметност ќе имаат можност да го доживеат фестивалот на сосема нов начин, благодарение на современата технологија.
Goldenvoice, организаторите на Coachella, соработува со стартап компанијата од Силиконската долина Doppler Labs, за да го донесе Here Active системот за слушање на пошироката јавност.
Here, прототип на слушалки кои собрале повеќе од 600000 долари на Kickstarter минатата година, се некаков вид на помагала за слушање со напредна технологија, со кои може да се модифицираат звуците во позадина, да се зголеми јачината на басот, да се прилагоди reverb ефектот или да се создадат други ефекти.
Посетителите на Coachella ќе бидат првите луѓе надвор од Kickstarter кои ќе имаат можност да купат Here слушалки и да ги користат на фестивалот. На самиот настан ќе има оптимизирани сцени за Here, со претходно наместено подесување за присутните да можат да слушат музика на сосема нов начин.
Извор: Mashable