Во среда, на 24 октомври, ќе се организира втора акција во Концепт 37, за правење топли засолништа на бездомните животни.
„Creative Macedonia“ повторно ги повика сите љубители на животни и хуманитарци да придонесат за изградба на што повеќе топли засолништа за бездомните животни.
„Донесете широк селотејп, стиропор, стара облека, водоотпорни материјали, празни тетрапак амбалажи. Донесете енергија и желба за што помалку премрзнати животинчиња“, велат организаторите на настанот.
Целта на иницијативата „Топла зима за бездомните животни да има” е изработување на чергичиња, перничиња и се останато што ќе им помогне на бездомните животни да ја пребродат престојната зима. И сето ова преку рециклирање на стара облека, гајбички и картони.
Акцијата почнува во 17 часот.