Оваа недела во Кинотека на Македонија ќе се прикажуваат повеќе шпански филмски класици. Љубителите на шпанската кинематографија ќе може да проследат филмови кои опфаќаат разни теми, и тоа од масовните протести кои се случија во Мадрид пред неколку години, па се до секојдневни семејни драми.
На првата проекција во четврток (15 октомври), ќе се прикаже филмот „Метод“, со почеток од 20 часот. Манифестацијата е реализирана во соработка со Амбасадата на Кралството Шпанија во Скопје и ќе трае до 21 октомври. Во продолжение, може да ја погледнете програмата за сите денови со краток опис за секој филм.
15 октомври (четврток) 20:00 ч.
МЕТОД
(El método)
игран филм, Шпанија
2005 г., 115 мин., колор, ДВД
Режија: Марсело Пињеиро (Marcelo Piñeyro)
Сценарио: Џорди Галцеран, Матео Хил (Jordi Galceran, Mateo Gil)
Улоги: Пабло Ечари, Едуардо Нориега, Најва Нимри, Едуард Фернандез (Pablo Echarri, Eduardo Noriega, Najwa Nimri, Eduard Fernández)
За време на Самитот на ММФ и Светската банка и протестите кои го вознемируваат Мадрид, како и други главни градови, големата компанија „Декија“ прави разговори за вработување на извршен директор од седум кандидати. Сомнежите се раѓаат кога кандидатите мораат да потпишат клаузула за прифаќање на методот Гронхолм, за кој никој нема чуено. Набрзо станува јасно дека тестовите се валкани игри со мозокот, каде што не се знае со сигурност што е вистина, а што лага…
16 октомври (петок) 20:00 ч.
КУЧЕТО НА ГРАДИНАРОТ
(El perro del hortelano)
игран филм, Шпанија / Португалија
1996, 105 мин., колор, ДВД
Режија: Пилар Миро (Pilar Miró)
Сценарио: Пилар Миро, Рафаел Перез Сиера, според драма на Феликс Лопе де Вега (Pilar Miró, Rafael Pérez Sierra, Felix Lope de Vega)
Главни Улоги: Ема Суарез, Кармело Гомез, Фернандо Конде, Ана Дуато, Мигуел Релјан (Emma Suárez, Carmelo Gómez, Fernando Conde, Ana Duato, Miguel Rellán)
Дијана, грофицата од Белфлор, е остроумна, импулсивна и паметна девојка. Вљубена е во својот секретар, Теодоро, но дознава дека тој веќе е свршен со Марсела. Водена од љубов и љубомора, ќе стори сè за да ги раздели љубовниците… Филмска адаптација на Лопе де Вега, еден од најголемите шпански драматурзи, кој творел во времето на шпанскиот барок.
17 октомври (сабота) 20:00 ч.
ПО ЕДЕН ПИШТОЛ ВО СЕКОЈА РАКА
(Una pistola en cada mano)
игран филм, Шпанија
2012 г., 95 мин., колор, ДВД
Режија: Сеск Гај (Cesc Gay)
Сценарио: Томас Арагај, Сеск Гај (Tomàs Aragay, Cesc Gay)
Улоги: Хавиер Камара, Рикардо Дарин, Едуард Фернандез (Javier Cámara, Ricardo Darín, Eduard Fernández)
Драмска комедија која се врти околу осум мажи, сите во своите четириесетти и сите со криза на идентитетот. Филмот е составен од неколку приказни кои се независни една од друга, сепак ликовите на крајот се поврзуваат.
18 октомври (недела) 20:00 ч.
ТЕЗА
(Tesis)
игран филм, Шпанија
1996, 125 мин., колор, ДВД
Режија: Алехандро Аменабар (Alejandro Amenábar)
Сценарио: Алехандро Аменабар, Матео Хил (Alejandro Amenábar, Mateo Gil)
Улоги: Ана Торент, Феле Мартинез, Едуардо Нориега, Ксавиер Елориага, Мигел Пиказо (Ana Torrent, Fele Martínez, Eduardo Noriega, Xabier Elorriaga, Miguel Picazo)
Зошто насилството и смртта се толку фасцинантни? Дали е морално коректно да се прикажува насилство во филмовите? Ако е, дали постои ограничување во тоа што може да се прикаже? Тоа е темата на семинарската на Анџела. Таа е студент во филмското училиште во Мадрид. Заедно со Чема (кој е опседнат од насилни филмови) наоѓаат снаф-филм во кој млада девојка е мачена и убиена. Откриваат дека жртвата била ученичка во нивното училиште…
19 октомври (понеделник) 20:00 ч.
ДЕДОТО
(El abuelo)
игран филм, Шпанија
1998 г., 151 мин., колор, ДВД
Режија: Хосе Луис Гарси (José Luis Garci)
Сценарио: Хосе Луис Гарси, Бенито Перез Галдос (José Luis Garci, Benito Pérez Galdós)
Улоги: Фернандо Фернан Гомез, Рафаел Алонсо, Кајетана Гилјен Куерво (Fernando Fernán Gómez, Rafael Alonso, Cayetana Guillén Cuervo)
По смртта на синот, еден старец се враќа од Америка дома, во Шпанија. Иако сега е осиромашен и го нема богатството кое го имал порано, утеха во загубата на синот и богатството наоѓа во двете внуки. Но тој дознава дека неговата снаа го изневерувала синот и се надева дека ќе открие која од двете внуки е вистинската, а која е плод на вонбрачна врска.
20 октомври (вторник) 20:00 ч.
ДОДЕКА СПИЕШ
(Mientras duermes)
игран филм, Шпанија
2011 г., 102 мин., колор, ДВД
Режија: Хауме Балагеро (Jaume Balagueró)
Сценарио: Алберто Марини (Alberto Marini)
Улоги: Луис Тосар, Марта Етура, Алберто Сан Хуан (Luis Tosar, Marta Etura, Alberto San Juan)
Ден за ден се будите во удобноста и безбедноста на вашиот дом. Но, колку е навистина безбедно? Сезар е домар кој мисли дека не е способен да биде среќен и затоа се обидува да им го загорчи животот на сите околу себе. Главна жртва му е младата станарка Клара…
21 октомври (среда) 20:00 ч.
ЌЕЛИЈА 211
(Celda 211)
игран филм, Шпанија
2009 г., 113 мин., колор, ДВД
Режија: Даниел Монзон (Daniel Monzón)
Сценарио: Хорхе Герикаечеварија, Даниел Монзон (Jorge Guerricaechevarría, Daniel Monzón)
Улоги: Луис Тосар, Алберто Аман, Антонио Ресинес (Luis Tosar, Alberto Ammann, Antonio Resines)
Приказна за двајца луѓе на различни страни во затворски бунт, затвореникот водач на побуната и младиот чувар заробен во превирањето, кој се преправа во затвореник, во очајничкиот обид да го преживее немирот.