Утре (14 април) на Школка во Градски парк Скопје, од 10:30 до 14 часот се организира настана за одбележување на месецот посветен на зголемување на свеста за аутизмот преку правење добри дела или попознато како „Pay it forward”.
„Тој ден ќе ги славиме хуманоста, човечноста, како и почитувањето и прифаќањето на различностите. Тој ден ќе ја славиме љубовта, ќе ја шириме добрината, љубезноста и позитивната енергија. Ќе уживаме во прекрасни музички хитови отпеани од наши врвни пејачи, во инклузивни музички и театарски точки, во јога, зумба со Ирена Лозана, фитнес во природа, ќе цртаме и боиме. Едноставно ќе се дружиме и забавуваме“, порачуваат организаторите.
Настанот е од отворен тип и за доброто расположение на децата ќе се погрижат Статуафест – Другото лице на улицата, Колектив Ветерница, „Dancers United“, „Dance studio Eureka“, „Pijano Forte“, Filip Volkan и атрактивните „5+ Фамилија“.