Во амбулантата во скопската општина Шуто Оризари конечно почна со работа гинеколошкиот оддел. Министерството за здравство информира дека во амбулантата ќе работи д-р Вјолца Мбиара, специјалист-гинеколог со долгогодишно работно искуство, меѓу другото, и во американска болница во Албанија.
„Конечно во амбулантата во Шуто Оризари ќе работи и гинеколог, со што решивме долгогодишен проблем и обезбедивме континуирана гинеколошка здравствена заштита за жените од oпштината“, изјави министерот Таравари.
Гинеколог во Шуто Оризари жителите и активистите бараа веќе подолго време, а беа одржани и неколку протести. И покрај ветувањата, жените од Шутка речиси 10 години немаа гинеколог во својата општина.