Од Јавното сообраќајно претпријатие (ЈСП) „Скопје“ информираат дека од понеделник, (10 јуни) возилата од јавниот превоз ќе сообраќаат по летен возен ред.
Поради завршувањето на учебната година 2018/2019, бесплатните билети за учениците нема да важат за време на летниот распуст.
„Бесплатните билети на учениците од основните училишта ќе важат до 10 јуни, а на средношколците до 20 јуни“, соопштува ЈСП.
ЈСП „Скопје“ нуди можност основците/средношколците (не важи за средношколците кои сега завршуваат четврта година) по повластени цени да купат месечен билет за јули и август по цена од 600 денари (за еден месец).
„За купување т.н. сезонски билет за ученици, неопходно е лицето да приложи потврда дека е ученик и да достави книшка на увид“, стои во соопштението на ЈСП.
Бесплатните студентски билети ќе важат и за време на летото.