Македонската платформа против сиромаштија во понеделник (19 март) во МКЦ ќе додели награди на новинарите кои својата работа ја посветиле на социјално загрозените граѓани.
Наградата насловена „Гласник на невидливите“ е благодарност за новинарите кои пишуваат на социјални теми, поврзани со сиромаштија и социјална исклученост, а на тој начин им даваат глас на луѓето кои ретко имаат можност јавно да зборуваат за своите проблеми и се речиси општествено невидливи, велат од платформата.
Наградата се доделува за првпат и е дел од проектот „Journalism-prize goes international“ инициран од Австриската платформа против сиромаштијата, а финансиран од ЕРСТЕ Фондацијата и Европската мрежа против сиромаштија.