![Хуманитарна промоција на поетската книга „Јас без сенка“ од Теодор Богоевски](https://www.radiomof.mk/wp-content/uploads/2017/09/Хуманитарна-промоција-351x185.png)
Хуманитарна промоција на поетската книга „Јас без сенка“ од Теодор Богоевски
Под мотото „Заедно до целта – да му помогнеме на Тео Богоевски да го оствари својот сон!“ во среда (13.9.), во 21 ч., во Кантина (Дебар Маало) ќе се одржи хуманитарнапромоција на првата поетска книга на Теодор Богоевски насловена „Јас без сенка“. Издавањето на оваа книга го помогна Издавачки центар ТРИ, а сите средства собрани од продажбатаќе одат во прилог на хуманитарната акција за купување на потребната количка што ќе му овозможи на Тео осамостојување и поголема слобода на движење по кои долго копнее. Тео Богоевски е амбициозен студент на Правниот факултет. Храбар човек кој отворено зборува за својот хендикеп. Младич кој не може со полни раце да заграби од животот и да гонаправи следниот чекор без туѓа помош. Поетска душа која промислува за љубовта и пријателството, за отуѓеноста на луѓето, за животот погледнат од инвалидска количка.