16 починати и 375 новозаразени со Ковид-19

Министерството за здравство (МЗ) вечерва информираше дека во изминатото деноноќие од Ковид-19 починале 9 лица. Починале 3 лица од Скопје (87г, 78г и 62г) и по едно лице од Кавадарци (60г), Струга (83г), Струмица (72г), Кочани (59г), Штип (73г) и Свети Николе (86г).

„Дополнително, согласно Регистарот на умрени лица со дијагноза КОВИД-19 од Мој Термин, пријавени се 7 починати лица со датум на смрт од 22.11.2021 до 04.12.2021. Регистрираните починати лица се од Велес (2), Скопје (1), Гостивар (1), Охрид (1), Струмица (1) и Кичево (1). Починатите лица се на возраст од 44 до 82 години. Две лица се починати во домашни услови и пет лица се починати во болнички услови“, се вели во соопштението на МЗ.

Во последните 24 часа потврдени се 375 нови случаи на Ковид-19. Регистрирани се 180 случаи во Скопје, Прилеп – 30, Битола – 28, Кавадарци – 26, Куманово – 13, Велес – 12, Радовиш – 11, Делчево – 9, Кочани и Валандово – по 8, Крива Паланка и Ресен – по 7, Охрид – 5, Тетово и Македонски Брод – по 4, Гостивар, Штип, Кичево, Демир Хисар и Македонска Каменица – по 3, Струмица и Гевгелија – по 2 и по 1 во Струга, Неготино, Крушево и Пехчево.

Регистрирани сe 507 оздравени пациенти, односно од Скопје – 246, Битола – 43, Прилеп – 25, Куманово – 22, Охрид – 18, Кавадарци – 17, Велес – 15, Тетово – 14, Делчево – 13, Кочани и Струмица – по 10, Крива Паланка – 9, Штип и Свети Николе – по 7, Радовиш и Гевгелија – по 6, Ресен – 5, Валандово, Струга, Неготино и Берово – по 4, Виница и Кратово – по 3, Демир Хисар, Македонска Каменица и Пробиштип – по 2 и по 1 од Македонски Брод, Гостивар, Кичево, Дебар, Богданци и Демир Капија.

„Вкупната бројка на КОВИД-дијагностицирани лица во нашата земја од почетокот на епидемијата изнесува 217.775, бројот на оздравени пациенти е 204.474, на починати е 7.674, а бројот на активни случаи изнесува 5.627“, стои во соопштението на МЗ.

Досега во земјава се направени вкупно 1.488.688 тестирања на Ковид-19, а во изминатото деноноќие се направени 2.744 тестови.