Револуционерниот музичар, активист и еден од најважните гласови на светската музика – Manu Chao ќе настапи на главната сцена на годинешното издание на фестивалот EXIT, соопштија организаторите.
Еден од највлијателните музичари на денешнината, гласот на слободарските генерации, човекот кој пее за имиграцијата, љубовта, животот во гетото, за диктатот на светската политика и се поголемото отуѓување, ќе настапи на EXIT во сабота, на 11 јули.
Заедно со веќе потврдените имиња: Robbie Williams (ќе настапи во Белград на 17 јуни, во организација на EXIT), Motorhead, The Prodigy, Faithless, John Newman, Rudimental, Clean Bandit, Hardwell, Sigma, Simian Mobile Disco, Martin Garrix, Dixon, Chris Liebing, Pillowtalk, Tom Odell, Tale of Us и бројните дополнителни изненадувања, EXIT годинава има најсилна програма во последните години.