По објавената сторија на една од жртвите на ,,Јавна Соба’’, во која девојка одлучи јавно да зборува за нејзиниот случај на онлајн злоупотреба и со тоа да помогне да се подигне свеста на јавноста за овој проблем, Здружението на правници – Роми одлучи бесплатно да ги стави на располагање своите правни ресусни капацитети во интерес на жртвите од Јавна Соба.
„Јавно ги повикуваме сите жртви на ,,Јавна Соба’’, вклучително и жртвата која јавно истапи во врска со нејзиниот случај на злоупотреба, бесплатно да ни се обратат за правен совет и поддршка за пријавување на постапките пред надлежните институции. Нашата крајна цел е да обезбедиме целосно уживање на правата од страна жртвите и да правно да ги заштитиме во согласност со законските регулативи“, истакнаа од Здружението.
Здружението на правници – Роми е независна непрофитна асоцијација формирана во 2015 година, со цел да го застапуваат правниот интерес на ромската заедница, да влијаат на власта, да поттикнат јавни мислења, да иницираат политики и преку законодавна анализа и да се залагаат кон промени.
Сите засегнати можат да го контактираат Здружението на правници – Роми на romalawyersmacedonia@gmail.com или да испратат порака на ФБ страната на здружението „Roma Lawyers Association“.