Рускиот истражувачки новинар Иван Голунов, дописник за порталот „Медуза“стациониран во Латвија, е уапсен во Москва поради сомнение дека продавал дрога. 36-годишниот новинар се сомничи за неовластено производство и ставање во промет на опојни дроги. Според полицијата, кај Голунов биле пронајдени четири грама синтетичка дрога мефедрон.
Неговиот адвокат тврди дека бил претепан додека бил во притвор и дека дрогата му е подметната, но властите го негираат тоа, објави ББЦ. Од „Медуза“ излегоа со изјава дека „е приведен поради неговата новинарска активност”.
Голунов беше изнесен во судот во Москва, при што оотаму беше објавен клип кој брзо се споделуваше по социјалните мрежи.
Иван Голунов рассказывает о событиях последнего дня.
Надеемся, что это очень странное дело закончится в самое ближайшее время. pic.twitter.com/MkNcVVMsKy
— Breaking Mash (@BreakingMash) June 7, 2019
Голунов ја истражува корупцијата кај бизнисмените од Москва и политичката елита, како и измамничките финансиски шеми во градот. За делото за кое што е обвинет, пропишана е затворска казна од 10 до 20 години.