Во петок, на 15 септември во „Даре Џамбаз“ од 10 часот ќе се одржи шестата национална конференција на сиромашни и социјално исклучени лица на Платформата против сиромаштија.
Ваквите конференции се организираат за да се слушне гласот на лицата кои живеат во сиромаштија, или се социјално исклучени, и им даваат можност своите проблеми и потреби лично да ги презентираат пред владини и невладини преставници. Преку ваквиот начин на работа се промовира активно учество и вклучување на овие лица во демократска дебата, која треба да даде решенија за поквалитетен живот на сите граѓани.
Оваа година тематски се посветуваме на вработените, а сиромашни граѓани. Фокусот на дискусијата ќе биде да се надмине и прошири традиционално прифатениот концепт дека сиромашни се само оние кои немаат работа и оние кои имаат ниски плати.