Мјузиклот „La La Land“ со Рајан Гослинг и Ема Стоун, режиран од Демиен Чазел, доби седум номинации за наградите „Златен глобус“, кои се сметаат за предвесници на „Оскарите“.
„Златните глобуси“ ќе се доделуваат на 8 јануари. Со шест номанации за награда е драмата „Moonlight“ на Бери Џенкинс, а „The People v. O.J. Simpson: American crime story“ со пет номинации е предводник во делот на телевизиските серии и проекти.
Освен „Moonlight “, во делот на драми номинации имаат и последниот филм на Мел Гибсон, воената драма „Hacksaw ridge“, потоа крими-вестернот на Дејвид Мекензи „Hell or high water“, а тука се и „Lion“ на режисерот Гарт Дејвис и „Manchester by the sea“ на Кенет Лонерган.
Во однос на мјузикл или комедија, освен „La La Land“ шанса за статуетка „Златен глобус“ имаат и „20th century women“, „Deadpool“, „Sing street“ и „Florence Foster Jenkins“.
Виго Мортенсен е номиниран за најдобра машка улога во социјалната драма-комедија „Captain Fantastic“. Друштво во оваа категорија му прават Кејси Афлек за „Manchester by the sea“, Дензел Вашингтон за „Fences“, Џоел Едџертон за водечката машка улога во „Loving“ и Ендрју Гарфилд во „Hacksaw ridge“.
Кај актерките можност за награда имаат Ејми Адамс („Arrival“), Џесика Честејн (Miss Sloane), Натали Портман („Jackie“), Изабел Хуперт („Elle“) и Рут Нега („Loving“).
Во изминатата година гледачите можеа да проследат повеќе производи наменети за ТВ, но во трката за најдобра ТВ-серија (драма) влегоа единствено пет кандидати – „Game of thrones“, „Stranger things“, „Westworld“, „This is us“ и „The Crown“.
Целосната листа на номинациите за „Златен Глобус“ може да се погледне ТУКА.