Privateprint од Скопје во своето студио ќе го промовира новото издание, кое е уметнички протект – книга на Дарко Алексовски, насловен „Growing“. Како дополнување на книгата ќе биде поставена авторска изложба, инсталација на Алексовски.
Книгата е составена од цртежи и текст целосно авторски осмислени од Алексовски.
Се работи за визуелен, изведувачки уметник и графички дизајнер. Алексовски веќе учествувал на интернационални проекти и изложби во Tate Britain (Лондон, Велика Британија), FRAC (Париз, Франција), Хирвитало – Центар за современа уметност Писпала (Тампаре, Финска), во Мункултурел центарот (Mångkulturellt Center. Букирка, Шведска)…
Почнувајќи од 2013 година редовно работи на колаборативни и самостојни проекти во Марк Пецингер Ферлаг (Mark Pezinger Verlag. Виена, Австрија). Соработувал на интердисциплинарни, истражувачки уметнички проекти како „Пикселверсити“ (Хелсинки, Финска) и „Да се слуша публиката“ (Битола, Македонија).
Неговите уметнички интереси вклучуваат колаборативни и партиципативни проекти и институционална критика.
