Државната изборна комисија денеска од 12 часот треба да продолжи со јавната расправа по поднесените приговори од политичките партии за изборите на 11 декември.
Маратонската седница, полна со расправии и неколку паузи, беше прекината во 3:30 часот, откако ДИК одби седум приговори од Беса. За осмиот, графологот кој требаше да вештачи потпис од гласач стигна во ДИК непосредно пред одлагањето.
Се’ уште не е пронајден записник по образец 15 за едно избирачко место во општина Теарце во Изборна единица 6.
ДИК расправаше и за четири од осумте забелешки на СДСМ. Досегашните приговори беа одбиени, па денеска се очекува расправа и одлуки по останатите.
Јавната седница мина со зголемено полициско обезбедување. Околу 22 часот, неколку стотини граѓани, приврзаници и симпатизери на ВМРО-ДПМНЕ, се собраа околу седиштето на ДИК. Таму се извикуваше „УА“, „Македонија“, „Лопови“, „Ќосето е жив“… Се играше оро, пееја патриотски песни, беше запален и огaн за затоплување, а од поставената бина зборуваа функционери. Со ваквиот протест, како што тврдеа, сакаа да „спречат да биде украдена нивната победа“.
Меѓу демонстрантите беа и кандидатите за пратеници Илија Димовски, Антонио Милошоски, Влатко Ѓорчев, Борис Змејковски, Амди Бајрам, Даниела Рангелова. Зборуваше и градоначалникот на Град Скопје, Коце Трајановски, Валентина Божиновска, Филип Петровски…
„Тој што е победник да му се потврди победата. Сакаме ДИК да ја потврди победата, тие се платени и да работат по закон, а тој гласи дека суверен е македонскиот граѓанин, а тие со своите гласови застанаа зад платформата за напредна и стабилна Македонија. Победата е наша и наша ќе остане. Трпевме две години ама нема да ги трпиме и понатаму“, порача Милошоски.
Протестот заврши мирно, без инциденти. Луѓето се разотидоа откако ДИК ја прекина седницата. Засега не се знае дали протестот