Неколку часа пред претседателот Трамп да воведе забрана за влез на жителите на повеќе муслимански држави, а откако им нареди на федералните агенти да почнат да градат ѕид на границата со Мексико, муслиманските лидери итно во Њујорк свикаа протест за да се спротивстават на извршните одлуки.
Во Вашингтон Сквер Парк, стотици луѓе држеле знаци на кои пишува „Ниту еден човек не е нелегален“ и „Секој муслиман кој го знам е подобар Американец од Доналд Трамп“. Најмалку пет хеликоптери летале над нив, а стотици мобилни телефони, светнати, создале бел ѕид спроти иконичниот свод во паркот.
„Без забрани, без ѕидови, ова е нашиот Њујорк“, извикувале.
Маршот бил организиран за само неколку часа од Советот на американско-исламистичките врски. Националниот извршен директор за Њујорк, Нихад Авад, вели дека одлуките на Трамп се „вознемирувачка потврда за исламофобичните и неамерикански предлози кои беа дадени за време на претседателската кампања“.
Protesters at Washington Square Park rally against Trump's Muslim immigration ban. pic.twitter.com/elEi9NQm5J
— Justin Michael (@JstnMchl) January 25, 2017
„Ќе им даде алатка за пропаганда на нашите непријатели, кои ќе промовираат лажен наратив на американската војна на исламот“, додава тој.
Околу 40 проценти од населението на градот Њујорк се родени во странство.
Градскиот управител Скот Стрингер проценува дека претседателот може да ризикува 7 милијарди долари федерални пари, од кои градот зависи.
Повеќе од тие пари одат во службата за контратероризам на полицијата и социјалните служби како заштита на деца, социјално домување и превенција од ХИВ/СИДА.
„Овој град е и секогаш ќе биде засолниште“, изјавил Стрингер на протестот.
Стивен Чои, извршен директор на Коалицијата за имиграција за Њујорк, вели дека одлуката на Трамп е „спротивна на основните вредности на Америка за достоинство, слобода и правда“.
„Тој направи јасен избор да ја претвори реториката на омраза во неговата кампања во реалност, земајќи директиви директно од анти-имигрантските правила“, рече тој.