Во киното „Фросина“ на 15 декември од 21 часот ќе се одржи промотивен концерт на Горан Трајкоски – Готра по повод новиот албум „Тешкиот глас на новите химни“.
Албумот е во издание на МКЦ Скопје, а е сниман, миксан и мастериран во студиото „Тралала“ во Скопје.
Трајкоски со својот специфичен траорен белег претставува уникатна музичка појава и е еден од штитоносците на алтернативната музичка сцена.
Готра е познат и како вокалот што ги отпеа нумерите од неповторливата музика на „Анастасија“ за филмот „Пред дождот“, но и еден од бившите членови на „Мизар“. Низ својот музички полет има свирено и за „Сарацени“ и „Апореа“, колаборирано со повеќе музичари, со групи како „Мугер Фугер“, а од крајот на 80-те се занимава и со театарска музика.
Концертот е 300 денари, а со секој купен билет посетителите добиваат подарок ЦД од новиот албум на Трајкоски.