Фејсбук тестира нова можност за препознавање на лажните, сатирични вести од сајтови како „The Onion“. Целта е да се овозможи да биде вметната назнаката „сатира“ во новостите што се појавуваат на почетната страна на корисникот, а кои се однесуваат на измислени вести, потврдуваат од мрежата за Mashable.
„Правиме мал тест кој го покажува текстот „[Сатира]“ пред линковите со сатични вести и вестите поврзани со нив кои се појавуваат во новостите. Ова е поради тоа што примаме многу реакции на луѓе кои сакаат поедноставно да ги разграничуваат сатиричните вести од останатите“, појаснува претставникот на Фејсбук за Mashable.
Во сликата подолу, се покажува како би изгледало означувањето на сатиричните вести во новостите на Фејсбук, каде зборот „[Satire]” е сместен во голема заграда.
Очекувањата се дека на овој начин ќе се спречи читателите да бидат „излажани“ од текстовите со кромид вести кога ќе се најдат помеѓу најважните вести на Фејсбук.