Филмскиот фестивал за музички документарни филмови „Skopje Cinema City“ ќе има свое зимско издание на 2 и 3 февруари 2018, во Кинотека на Македонија.
Публиката ќе има можност да погледне неколку документарци за Крафтверк, Лиса Жерар, Лу Рид и Дејвид Боуви. Зимското издание, како што е најавено, традиционално репризира дел од филмовите од претходното, премиерно издание во 2017.
Зимското издание е прв од четирите филмски настани што се планирани да се случат оваа година во различни периоди, во рамки на настанот насловен Четири годишни времиња.
Фестивалот преку својата платформа, има цел да претставува разни музички теми и програми кои истовремено ќе едуцираат и ќе забавуваат. Билетите чинат 100 денари, а може да се купат на билетарницата во Кинотека на Македонија
Програма:
02.02.2018 (Петок)
20.00– Kraftwerk: Pop Art (60 мин)
21.30– Лиса Жерар:Светилиште (Lisa Gerrard: Sanctuary) (90 мин)
03.02.2018 (Сабота)
20.00 – Во сеќавање на Лу Рид (Remembering Lou Reed) (60 мин)
–
21.30 – Дејвид Боуви на БиБиСи (David Bowie at the BBC) (60 мин)