За време на археолошки истражувања на тврдината Дијарбакир во Турција, која во 2015 година беше вклучена во листата на светско културно наследство на УНЕСКО, пронајдена е амфора стара околу 1.700 години.
Како што пренесува Анадолија, во тек се истражувања на просторот на тврдината во Сур, која е колевка на повеќе цивилизации, а истражувањата се вршат под надзор на стручни лица од Научната комисија при Министерството за култура и туризам и градот Дијарбекир.
Истражувањата се спроведуваат веќе две години и досега се завршени две фази, а останатите се во тек.
Покрај амфората, која не е многу вообичаена за тоа подрачје, пронајдени се и други предмети.
