Јелиз Абдиева Абдураманова и Нермине Изаири се жени кои потекнуваат од рурални средини, но успеале со напорна работа и труд да постигнат многу во својот живот.
Видеото, во продукција на Хелсиншкиот комитет за човекови права, го прикажува секојдневието и потешкотиите на овие две жени со кои тие се соочуваат, но и на позитивните искуства поврзани со нивното образование, работа и приватен живот.
Во видеото дополнително се анализира генералната состојба на жените од руралните средини и се даваат препораки за подобрување на истата.
Видеото е изработено во рамки на проектот ,,Поддршка од граѓанското општество кон политиките за социјална кохезија и различностите” поддржан од Британската амбасада во Македонија.