Со откривањето на новиот континент, во средниот век настанала првата размена на генетски материјал во форма на храна. На тој начин, на светско ниво се промениле екосистемите и биодиверзитетот. Денес, поради климатските промени, но и поради генетското модифицирање на организмите, светскиот агробиодиврезитет е значително опаднат, пишува едукативната еколошка онлајн платформа „Дома“ во најавата за нивниот нов еко-филм.
Постои ли можност новата технологија да го зачува генот на старите семиња и старите раси и да ги приспособи кон промените кои се случуваат? Новиот документарец на Дома ги истражува одговорите за иднината на нашата храна и биодиверзитет преку анализа на специфични растителни и животински видови во Македонија, Црна Гора и Албанија.
Во продолжение погледнете го документарецот на „Дома“.
