Осумнаесеттото издание на „Оффест“ ќе се одржи од 3 до 8 јуни во Скопје, а според организаторите програмата е свежа и возбудлива, повеќе од кога било.
Покрај најавената Фатумата Дијавара, како една од најталентираните од новата генерација африкански поетеси-пејачки, музичко доживување од највисок ранг носат и повеќе пати наградуваното дуо Катрин Финч и Секу Кеита.
Македонскиот композитор, гитарист и пејач од Њујорк – Крсте Роџевски првпат настапува во татковината со својот њујоршки ол-стар бенд. Aмбасадорот на инструментот нгони, Басеку Кујате од Мали, се се враќа во Скопје со својот бенд Нгони Ба и со новиот, суптилен и носталгичен албум „Miri“.
„Импресивната моќ на ‘Сондорго’ од Унгарија, кои докажаа дека се еден од највозбудливите европски бендови, во комбинација со експлозивната енергија на незапирливите Џамбо Агушеви Оркестра, создаваат услови за неминовна ‘Balkan Fever’ журка. Заводливата аудио-визуелна покана за патување во светот од другата страна на Медитеранот, зад завесата што води директно до Арапските ноќи и другите слични бајки на либанската група ‘Лав енд ривенџ’ одлично се вклопува во фасцинантниот електро психоделичен музички огномет на колумбиските тропски велемајстори ‘Ромерајо’. Конечно, Деди Џи од ‘Масив Атак’ повикува на танц до доцна во ноќта. Неговите диџеј сетови се еклектични, возбудливи и софистицирани. Како ‘Оффест 2019“, се вели во најавата за фестивалот.
Програма:
3 June
Macedonian Opera & Ballet | 20:00
Catrin Finch & Seckou Keita (Wales/Senegal)
Kristo Rodzevski (Macedonia/USA)
4 June
MKC Kino Frosina | 19:00
“Mali Blues” (documentary film) – free entrance
MKC Dancing Hall | 21:00
Bassekou Kouyaté & Ngoni Ba (Mali)
5 June
Macedonian Opera & Ballet | 20:30
Fatoumata Diawara (Mali)
6 June
MKC Dancing Hall | 20:00
Söndörgő (Hungary)
Dzambo Agusevi Orchestra (Macedonia)
7 June
MKC Dancing Hall | 20:00
Love and Revenge (Lebanon)
Romperayo (Colombia)
8 June
Club Epicentar | 24:00
Daddy G (Massive Attack) – dj set (UK)