Популарната британска група Hurts ќе настапи на 16 јули на главната бина на Sea Dance фестивалот на плажата Јаз во Будва, кој е дел од годинешната програма на Exit. Гостувањето на Hurts, е во рамки на големата светска турнеја за новиот албум „Surrender“.
За успехот на манчестерскиот бенд кој го предводи авторското дуо Тео Хачкрафт и Адам Андерсон, најдобро говорат милионите продадени албуми и синглови, како и распродадените турнеи ширум светот. Под отвореното ѕвездено небо, на брегот на Јадран, публиката во живо ќе ги чуе и новите хит синглови „Some Kind of Heaven“ и „Lights“, а хорски ќе се пејат рефрените на фестивалските химни „Stay“, „Miracle“ „Illuminated“, „Sunday“ и еден од најголемите хитови на деценијата „Wonderful Life“. Hurts во меѓувреме соработуваа со најголемите светски ѕвезди како што се Келвин Харис и Кајли Миног, настапија на најголемите светски фестивали, меѓу кои и повеќе пати на Glastonbury, чија публика ги награди со титулата бенд со најдобар настап во живо.
Новото студиско издание „Surrender“, го продуцираа Џонас Квант и легендарниот Стјурат Прајс. Овој исклучително современ албум, проткаен е и инспириран од бројни искуства и емоции кои Тео и Адам имале прилика да ги доживеат создавајќи го албумот на повеќе локации, меѓу кои и швајцарското гратче Монтро и тамошното легендарно студио во кое снимале Дејвид Боуви, Стоунси или Иги Поп. Делови од албумот снимени се и на шпанскиот остров Ибица, како и американските метрополи, Лос Анџелес и Њујорк.
Британското дуо претставува неверојатна приказна за успехот на двајца многу таленирани музичари кои по сосема случајната и помалку необична средба се здружуваат и започнуваат заедно да творат музика. Планетарната популарност ја достигнуваат уште со албумот првенец „Happiness“. Албумот се најде на листата топ 10 најдобри во дури 15 земји ширум светот и стана најбрзо продаваниот британски албум во 2010 година, позиционирајќи се во врвот на топ листата за најуспешни албуми во Британија. Првиот спот за носечкиот сингл од албумот „Wonderful Life“ кој е своевидна автобиографија на членовите на бендот, денес нивна лична карта и мегапланетарен хит, снимен е во црно-бела техника за само 20 фунти кои се дадени како хонорар за танчерката во спотот. Бендот продолжи да бележи нови успеси и по објавувањето на вториот албум „Exile“, од кој се издвоија нумерите „Miracle“, „Blind“, „Somebody to Die for“.
Exit фестивал годинава ќе се одржи од 7 до 10 јули на Петроварадинска тврдина, а потоа Exit Авантурата патува на Јадранско море за третиот Sea Dance фестива од 14 до 16 јули. Настапите веќе ги потврдија Ellie Goulding, Bastille, Hurts, Wiz Khalifa, Dimitri Vegas & Like Mike, Lost Frequencies, Robin Schulz, Nicky Romero, Stormzy, Solomun, Andy C, Anti-Flag, At the Gates, Cock Sparrer, Disciples, Hernan Cattaneo b2b Henry Saiz, James Zabiela, Mind Against, Modestep – DJ Set, Sigma DJ Set, Sub Focus & ID – DJ Set, Wilkinson – DJ Set Feat. MC Ad-Apt, Zomboy, Antigone, Borghesia, Congo Natty, DJ Hype, Dub Pistols, Feder, Francois X, Ivy Lab, Kensington, Ms. Dynamite, My Nu Leng & Dread MC, Rene Lavice, Sam Feldt, Sarah Farina, Shlømo, Sub Zero, Teddy Killerz и Tommy Four Seven.
Влезниците за Exit се во продажба по цена од 3.599 денари, а за Sea Dance од 2.220 денари, додека целата Exit авантура чини 4.250 денари.