„Македониум џез“ – концерт во рамки на „Десет дена крушевска република“

Во рамките на „Десет дена крушевска република“, членовите на бендот „SkopjeJazzInc“ ќе настапат пред македонската публика, кај споменикот „Македониум“. во Крушево.

Концертот, кој е во организација на Општина Крушево и „PrilepJazzWeekend“, ќе се одржи на 5 август, четврток, со почеток во 21 часот.

„SkopjeJazzInc“ е бенд кој го сочинуваат Трајче Велков (труба), Зоран Костадиновски (гитара), Горан Ѓешовски (бас) и Гоце Стевковски (тапани).

„…Велат дека џезот е звук на изненадување – и во текот на еден таков импровизиран „сешн“ можат да настапат прекрасни, неочекувани моменти кога, на пример, пијанистот и тенор саксофонистот ќе отсвират тактови кои се во совршен склад, како претходно да се договориле. Тоа е еден од врвните, „оргазмични“ моменти во џезот, и ако такво нешто се случи макар еднаш во таа вечер, музичарите ќе бидат повеќе од одушевени“, истакнуваат организаторите цитирајќи го Мајк Хенеси.