Канадски судија одлучи дека „лајк“ симболот е валиден исто како потписот, велејќи дека судовите мораат да се адаптираат на „новата реалност“ на човековата комуникација, кога пресуди дека земјоделец треба да исплати 61.442 американски долари поради неисполнет договор, пренесува „Гардијан“.
Во скорешен правен случај во Саскачеван, Канада, компанијата „South West Terminal“ испратила групна текстуална порака до клиентите во март, рекламирајќи дека откупува 86 тони лелено семе за цена од 12 американски долари по килограм.
Откупувачот и претставник на компанијата Кент Миклборо, разговарал со земјоделецот Крис Ачтер преку телефон и испратил фотографија од договорот, лененото семе да се испорача во ноември, барајќи од земјоделецот да го утврди договорот преку порака.
Тогаш продавачот Ачтер, испратил „лајк“ симбол, но не го испорачал лененото семе до ноември, по што цената на семињата се зголемила.
Сега, Миклборо и Ачтер се тужат за значењето на симболот. Откупувачот посочува дека претходните договори исто така биле потврдувани преку пораки, сугерирајќи дека симболот испратен од Арчер значи согласување на условите во договорот.
Но, за Ачтер, значењето на симболот е потврда дека го добил договорот преку порака.
„Го отфрлам неговото тврдење дека симболот значи потпис на недовршениот договор. Немав време да го прочитам договорот, но сакав да напоменам дека ја добив неговата порака“, изјавил Ачтер за време на судењето.
Судијата Тимоти Кини, кој во една прилика ја искористил дефиницијата за симболот од „dictionary.com“, изјавил дека случајот „ги доведе страните до далечна потрага по еквивалент на Каменот од Розета во случаи од Израел, Њујорк и некои трибунали во Канада, за да откријат што значи 👍 симболот“.
„Овој суд одлучи дека 👍 симболот е нетрадиционален начин за потпишување на документ“, се вели во одлуката на канадскиот суд.
